Manana zo harovana amin’ny fampisitrahana taratasy ara-dalàna eo amin’ny tany nojahariana ny vahoaka araky ny voafaritry ny lalàmpanorenana hoy ny minisitry ny fanajariana ny tany sy ny raharahan-tany , jeneraly Lilyson René de Rolland . Hisitraka « 𝗧𝗶𝘁𝗿𝗲𝘀 𝗳𝗼𝗻𝗰𝗶𝗲𝗿𝘀 » manodidina ny 2000 ny distrikan’Ambohidratrimo ankoatra ireo 600 isa nozaraina androany tany amin’ny Kaominina Iarinarivo .

 

Fiaraha miasa amin’ny tetikasa PRODUIR sy ny Banky iraisam-pirenena no nahatanteraka izao fizarana « 𝗧𝗶𝘁𝗿𝗲𝘀 𝗳𝗼𝗻𝗰𝗶𝗲𝗿𝘀 » izao , izay fokotany telo tao amin’ny kaominina Iarinarivo no nanatanterahana izany androany dia Iarinarivo , Amboasary , Ambatomainty . Mihatra manomboka izao ny saran’ny fanoratana tany 05 Ariary ny metatra toradroa raha 10 Ariary teo aloha hoy ny Jeneraly Lilyson René de Rolland .